

D2882

དཔལ་ཕྱག་ན་རྡོ་རྗེ་མདོ་ལུགས་ཀྱི་མན་ངག་ལག་ཏུ་བླང་བའི་སྒྲུབ་ཐབས་སློབ་དཔོན་ཆེན་པོ་བཱིཪྱ་ཙནྡྲས་མཛད་པ་རྫོགས་སོ།།[་]@། །གསང་སྔགས་ཀྱི་བཟླས་བརྗོད་བཞུགས། །འཕགས་པ་ལག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །དབེན་ཞིང་ཉམས་དགའི་གནས དག་ཏུ།།རྣལ་འབྱོར་སྔགས་ཀྱི་སྐྱོན་གྱུར་པ། །སྒྲ་ཆེས་སྐྱོན་གྱུར་འབྱུང་པོ་དག་།སྣོད་མེད་གྱུར་པས་ཐོས་གྱུར་ན། །སྒྲ་ཆེས་བར་ཆད་མཐུ་མེད་གྱུར། །སྒྲ་ཆུང་གྱུར་ན་དངོས་གྲུབ་མེད། །སྐྱེན་གྱུར་ལུས་ཀྱི་ཕྲད་པ་ཉམས། །དེས་ན་སྔགས་ཀྱི་མཐུ་མེད་འགྱུར། །བུལ་ན་བཟླས་པའི་གྲངས་ མེད་པས།།དུས་འདས་པར་གཅོད་སྦྱོར་བ་འབྱུང་། །གློ་དང་གཡལ་དང་སྒྲིད་པ་དང་། །གཉིད་ལ་སོགས་པས་བར་ཆོད་ན། །དེས་ནི་ཡི་དགས་བདུད་ལ་སོགས། །སྤྲོ་ནས་མྱུར་དུ་བར་གཅོད་འབྱུང་། །སྔགས་ཀྱི་བསྙེན་པ་བྱེད་དུས་སུ། །མེ་དང་འདྲ་བའི་ཞེ་སྡང་གིས། །སྔགས་ཀྱི་འབྲས་བུ་སྲེག་པར་བྱེད། ། ཀུན་ནས་དཀྲིས་པའི་འདོད་ཆགས་ཀྱིས། །ཡོན་ཏན་རྒྱུ་རྣམས་འཆིང་བར་བྱེད། །མུན་པ་ལྟ་བུའི་གཏི་མུག་གིས། །དངོས་གྲུབ་སྟེར་བ་རྙེད་མི་འགྱུར། །སྒང་བུ་ལྟ་བུའི་ང་རྒྱལ་གྱིས། །དངོས་གྲུབ་ཆུ་འདྲ་རྩེ་ལ་མིན། །སྔགས་ཀྱི་ཡོན་ཏན་སྤྲིན་འདྲ་ལ། །ཕྲག་དོག་རླུང་གིས་འཐོར་བར་བྱེད། །དངོས གྲུབ་བྱེ་མའི་རྒྱུན་འདུས་པའང་།།བརྩོན་འགྲུས་རྡོ་རྗེའི་བྲག་མེད་ན། །ལེ་ལོའི་དབའ་རླབས་ཆེན་པོ་འཁྲུག་།དངོས་གྲུབ་བར་དུ་གཅོད་པ་བཅུ། །ལྔ་ལས་འབྱུང་བས་ལྔ་བཅུ་སྟེ། །མི་དགེ་བཅུ་ཞེས་གསུངས་པ་ཡིན། །མ་བྱིན་ལེན་དང་སྲོག་གཅོད་གཡེམ། །ཚིག་འཁྱལ་ངག་རྩུབ་ཕྲ་མ་རྫུན། །བརྣབ་ སེམས་གནོད་སེམས་ལོག་པར་ལྟ།།དགེ་བཅུའི་བར་དུ་གཅོད་པ་སྟེ། །ཡང་དག་དོན་གྱི་སྒྲ་ཞེས་བཤད། །འདི་ལྟར་དངོས་གྲུབ་ཀུན་བྲལ་བས། །སྔགས་ཀྱི་འབྲས་བུ་འདོད་པས་སྤང་། །དེ་སྤངས་འབྲས་བུ་མྱུར་དུ་འཐོབ། །རྟག་ཏུ་བཟླས་བརྗོད་མེ་དཔུང་ལ། །བསམ་གཏན་རླུང་གིས་སྦར་ གྱུར་ན།།སྡིག་པ་སྟོབས་ཅན་མི་བཟད་པའི། །ལྗན་ལྗིན་ཐམས་ཅད་སྲེག་པར་བྱེད། །བཟླས་བརྗོད་མེ་ཡི་རྒྱུན་འདྲ་ཡང་། །བསམ་གཏན་བྲལ་བས་མི་འགྲུབ་སྟེ། །སྡིག་པ་ཆུ་དང་འདྲ་བས་གསོད། །དེ་བས་བསམ་གཏན་ལྡན་པར་བྱ། །རྡོ་རྗེའི་བཟླས་པ་ཞེས་གསུངས་པས། །རྡོ་རྗེ་གསུམ་གྱི་ སྐུར་བསྒོམས་ཏེ།།ཕྱི་དང་ཤིན་ཏུ་ནང་དག་དང་། །དགུག་དང་གདོན་དང་ཡང་དག་དང་། །ོཾ་གྱི་དོན་དང་ལ་སོགས་པ། །དེ་ལ་དམིགས་ནས་བཟླས་པར་བྱ། །གང་ཞིག་དོན་འདི་མེད་གྱུར་པས། །གསང་སྔགས་བཟླས་བརྗོད་བྱས་གྱུར་པ། །མུན་ལ་བྱེ་མའི་གསེར་ཕྱེ་ཚོལ། །མི་འདོད་འདུ་ ་ཡི་འདོད་པ་མིན།